გამოცემა New York Post-ის ინფორმაციით, ფლორიდაში ტრამპის გოლფის მოედნის გარეთ ორმა პირმა ერთმანეთს ცეცხლსასროლი იარაღით ცეცხლი გაუხსნა. გამოცემა აღნიშნულ ინფორმაციას სამართალდამცავი ორგანოების წყაროებზე დაყრდნობით ავრცელებს.
გამოცემის ცნობით, “წყაროები ამბობენ, რომ [ინციდენტის დროს] ტრამპს საფრთხე არასდროს დამუქრებია”.
მანამდე, აშშ-ს ყოფილი პრეზიდენტისა და 2024 წლის არჩევნებში რესპუბლიკური პარტიის კანდიდატის, დონალდ ტრამპის საარჩევნო შტაბში განაცხადეს, რომ “მის სიახლოვეს [ცეცხლსასროლი იარაღის] გასროლის შემდეგ” იგი უსაფრთხოდაა.
“პრეზიდენტი ტრამპი უსაფრთხოდაა მას შემდეგ, რაც მის სიახლოვეს [ცეცხლსასროლი იარაღი] გაისროლეს. ამ დროისთვის დამატებითი დეტალები არ გვაქვს”. – განაცხადა ტრამპის საარჩევნო შტაბის წარმომადგენელმა, სტივენ ჩენგმა.
ინციდენტის დროს აშშ-ს ყოფილი პრეზიდენტი ტრამპის საერთაშორისო გოლფის კლუბში გოლფს თამაშობდა. ერთ-ერთი წყაროს ინფორმაციით, იარაღის გასროლის შემდეგ მოედანი მყისიერად დაიკეტა.
მომხდართან დაკავშირებით აშშ-ს საიდუმლო სამსახურმა X-ზე დაწერა, რომ სააგენტო ოლქის შერიფის სამსახურთან თანამშრომლობს, რათა ინციდენტი გამოიძიონ. საიდუმლო სამსახურმა ასევე განაცხადა, რომ შემთხვევა ადგილობრივი დროით შუადღის 2 საათამდე მოხდა.
Author
Related Posts
